

D2951

།[་]@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །རྒྱལ་པོ་ཆེན་པོ་བཞིའི་དཀྱིལ་འཁོར་དུ་དབང་བསྐུར་བར་འདོད་པའི་སྒྲུབ་པ་པོ་དམ་ཚིག་དང་ལྡན་པས། གནས་ཁང་ཡིད་དང་མཐུན་པར སའི་ཆོ་ག་རྣམས་རྫོགས་པར་བྱས་ལ།རྒྱལ་པོ་ཆེན་པོ་བཞིའི་དཀྱིལ་འཁོར་བཞེངས་ལ། ས་སྟེགས་གྲུ་གསུམ་མཉམ་ཞིང་ཆགས་ཀྱིས་འཐས་པར་བྱ་ཞིང་། དེ་ནས་ཐིག་ལེའུ་ཙེ་དགུར་བཏབ་ལ་ལེའུ་ཙེ་ལྔ་པ་གྲུ་བཞི་སྒོ་བཞི་པ། དབུས་ཀྱི་ལེའུ་ཙེ་དཀར་པོ་ཤར་ལྗང་ལྷོ་ནག་པོ། ནུབ་ དམར་པོ་བྱང་སེར་པོ་དེའི་བར་གྱི་རྩིག་པ་སྔོན་པོ་ལ་གསེར་གྱི་དོང་ཙེ་བརྩེགས་པ།གྲཝ་རྣམས་སུ་བུམ་པ་དམར་པོ་དཔག་བསམ་གྱི་ཤིང་དང་། ནོར་བུའི་ནང་ན་ཆུ་འབབ་པ་བྲི། གྲུའི་དུམ་བུ་ལྗང་གུར་བྱ། སྒོ་རིམ་དང་འདྲ་བ་བྲིས་ལ་བུམ་པ་ལྔ་ལ་སོགས་པ་སྐུ་མདོག་མཐུན་པའི་ཚོན་གྱིས་བསྒྱུར་ལ། སོ་སོའི་ཕྱག་མཚན་བཏབ་ལ་སོ་སོའི་གནས་སུ་བཞག་ལ་སྐུད་པ་སྔོན་དམར་གྱིས་སྦྲེལ་ལ། ཕྱོགས་མཚམས་སུ་མེ་ལོང་གི་ཕྲེང་བ་དང་། དར་སྣ་དང་། དྲིལ་བུ་གཡེར་ཁའི་དྲ་བས་བྲེས་སོ། །སྟེང་ནས་རས་དཀར་པོའི་གདུགས་ཀྱིས་བཀབ་ལ། རྒྱན་སྣ་ཚོགས་པས བརྒྱན་པར་བྱའོ།།ཤོག་བུ་ལ་རྒྱལ་པོ་ཆེན་པོ་བཞིའི་གཟུགས་བྲིས་ལ་མདའ་ལ་བཏགས་ལ་གནས་སུ་གཟུགས་སོ། །དེ་ནས་བགེགས་བསྐྲད་པ་ལ་སོགས་པ་བྱས་ལ་དབུས་ཀྱི་བུམ་པ་ལ་དཔལ་རྡོ་རྗེ་རྣམ་འཇོམས་སྐུ་མདོག་དཀར་པོར་གྱུར་ཏེ་བུམ་པའི་ཕྱག་རྒྱས་སྤྱན་དྲངས་ཏེ་སྔགས་བརྒྱ་རྩ་ བརྒྱད་བརྗོད་ལ་པཱུ་ཛ་ལ་སོགས་རྫོགས་པར་དབུལ།དེ་ནས་ཤར་ཕྱོགས་ཀྱི་བུམ་པར་རཱ་ཛ་ཡུལ་འཁོར་སྲུང་སྤྱན་དྲངས་ཏེ། ལག་པ་གཡོན་པ་པི་ཝང་ལེན་པ་ལྟར་བྱས་ལ་ཨོཾ་ཌྷྲྀ་སྭཱ་ཧཱ་ཞེས་པ་བརྒྱ་བརྗོད་པས་བུམ་པའི་ནང་དུ་ཟླ་བའི་དཀྱིལ་འཁོར་གྱི་སྟེང་དུ་སེང་གེའི་གདན་གྱི་སྟེང་དུ། ཡུལ་འཁོར་ སྲུང་ལྗང་གུ་རིན་པོ་ཆེའི་རྒྱན་རྣམས་ཀྱིས་བརྒྱན་པ།དར་གྱི་ལྷབ་ལྷུབ་དང་བསེའི་རྨོག་ཞུ་གསོལ་བ། ཕྱག་གཡས་པས་པི་ཝང་འཛིན་པ་གཡོན་གྱིས་ལེན་པ་བསྐྱེད་དོ། །ལྷོའི་བུམ་པར་འཕགས་སྐྱེས་པོ་སྤྱན་དྲངས་ཏེ། བསྐྱེད་པ་ནི་ལག་པ་གཡས་པའི་མཛུབ་མོ་དང་གུང་མོ་སྦྱར་ཏེ་བསྒྲེངས་ ལ།ོཾ་བཱི་སྭཱ་ཧཱ་ཞེས་བརྒྱ་བརྗོད་པས། འཕགས་སྐྱེས་པོ་སྐུ་མདོག་ནག་པོ་དར་གྱི་ལྷབ་ལྷུབ་དང་རིན་པོ་ཆེ་དང་བསེའི་རྨོག་ཞུ་གསོལ་བ། ཕྱག་ན་རལ་གྲི་བསྣམས་པ་སྔ་མ་བཞིན་དུ་བསྐྱེད་དོ། །ནུབ་ཀྱི་བུམ་པར་སྤྱན་མི་བཟང་སྤྱན་དྲངས་ཏེ་བསྐྱེད་པ་ནི་གཡོན་པའི་མཛུབ་མོ་ཞགས་པ་ལྟར་བྱ་ སྟེ།ོཾ་ཀྵ་སྭཱ་ཧཱ་ཞེས་པ་བརྒྱ་བརྗོད་པས་སྤྱན་མི་བཟང་སྐུ་མདོག་དམར་པོ་དར་ལ་སོགས་པས་བརྒྱན་པ། སྦྲུལ་མགོ་བདུན་གྱིས་བསྐོར་བ་སྤྱན་དམར་ལ་འབུར་བ། ཕྱག་ན་ཆུ་སྲིན་དང་ཞགས་པ་བསྣམས་པ་བསྐྱེད་དོ། །བྱང་གི་བུམ་པ་ལ་རྣམ་ཐོས་སྲས་སྤྱན་དྲངས་ཏེ་བསྐྱེད་པ་ནི། ལག་པ་གཉིས་ཀྱིས་མཐེ་བོང་གཟེ་མོའི་རྣ་བ་ལྟར་བྱས་ལ། ཨོཾ་བཻ་སྭཱ་ཧཱ་ཞེས་བརྗོད་པས་རྣམ་སྲས་མདོག་སེར་པོ་གསེར་བཙོ་མ་འདྲ་བ་དར་ལ་སོགས་པས་བརྒྱན་པ་ཕྱག་ན་ནེའུ་ལེའི་རྐྱལ་པ་གསེར་གྱི་དོང་ཙེས་བཀང་བ་བསྐྱེད་དོ། །དེ་ནས་སྒྲུབ་པ་པོ་བདག་ཉིད་ཀྱིས་ཁྲུས་བྱས་ལ། གོས་གསར པ་གྱོན་ཏེ།བཟླས་པ་བྱ་བ་ནི་ལྷ་དེ་དག་གི་སྙིང་གའི་དཀྱིལ་འཁོར་གྱི་སྔགས་ཀྱི་རང་སྒྲ་ལ་སོགས་པ་དམིགས་ཏེ། ཨོཾ་ཙ་ར་ནི་ཙ་ར། ཨོཾ་ཧ་ར་ཧ་ར། ཨོཾ་ས་ར་ས་ར་སྭཱ་ཧཱ། ཨོཾ་མཱ་ར་ཡ་སྭཱ་ཧཱ། ཨོཾ་བི་དཱ་ར་ཡ་སྭཱ་ཧཱ་ཞེས་བུམ་པ་རེ་ལ་ཁྲི་ཕྲག་རེ་སོ་སོའི་ལས་ཀྱི་སྔགས་བཟླས་ཤིང་དེ་ཉིད་ ་མཆོད་པ་ལ་སོགས་པ་བྱ་སྟེ།